ARMANDUS Plessiacus Joh. Cardinalis Richelius

ARMANDUS Plessiacus Joh. Cardinalis Richelius

primus, ut vocant, Minister Ludov. XIII. Galliarum REgis a patre armis destinatus, Episcopus Lucionensis primum, magnus dein Reginae Eleemosynarius, Cardinalis tandem evasit. Rupellâ expugnatâ, Atrebatibus captis, rebusque plurimis in Germania, Italia alibique locorum, suô consiliô gestis, pace inprimis inter tot turbas domesticas conservatâ, inclitus. Ceterum, non fautor solum literatorum insignis, verum ipse eruditione non leviter tinctus: Sed paulo severior in eos, quos potentiae suae obniti suspicabatur, obiit A. C. 1642. postquam Euangelium Christi sibi sufficere, paulo ante professus esset. Vide Spond. Dupleix, Vulson. in elog. histor. virorum in Gallia illustr. Imo adisis ipsum Armandi huius celeberrimi, Ministerium.